Madaxweynayaasha Jabuuti iyo Sudan oo gaarey Itoobiya [Sawirro]
-
Wariyaha Muqdisho GAROWE ONLINE
- Posted On 08-12-2018, 12:18PM
ADDIS ABABA - Wufuud ay kala hogaaminayaan Madaxweynayaasha Jabuuti, Ismaaciil Cumar Geelle iyo Sudan, Cumar Xasan Al-Bashiir ayaa maanta gaarey dalka Itoobiya.
Geelle iyo Al-Bashiir ayaa ka degay Garoonka diyaaradaha magaalada Jimma, oo caasimad u ah gobolka Oromia, oo ku yaalla Koonfurta Galbeed ee dalka Itoobiya.
Ra'iisul Wasaare Abiy Axmed iyo mas'uuliyiin kale oo Xukuumaddiisa katirsan, oo halkasi uga soo horeeyay ayaa soo dhaweeyay Madaxweynayaasha Jabuuti iyo Sudan.
Wakaaladda Wararka ee Itoobiya, "FANA" ayaa sheegtay in Geelle iyo Al-Bashiir ay ka qeybgali doonaan musaanabado xariga looga jarayo mashaariic horumarineed oo laga hirgeliyay degaanada Oromada.
Saddexda hogaamiye ayaa la filayaa inay magaalada Jamma ku yeeshaan kulan gaar ah, oo ay uga wadahadlayaan arrimah dhaqaalaha iyo Iskaashiga dhinacyada ganacsiga iyo is-dhexgalka.
Tan iyo markii la doortey April 2018, Abiy Axmed ayaa wadey qorshooyin uu ku doonayo inuu ku fur-furo siyaasadda dalkiisa iyo xiriirka dalalka gobolka, isagoo raadinaya dekado shacabkiisa 100-ka Milyan gaaraya ay wax kasoo degsadaan.
GAROWE ONLINE
