Midowga Afrika oo xil cusub u magacaabay Uhuru Kenyatta
-
WARIYAHA ADDIS ABABA GAROWE ONLINE
- Posted On 15-02-2023, 03:02PM
ADDIS ABABA, Ethiopia - Ururka Midowga Afrika ayaa u magacaabay madaxweynihii hore ee Kenya Uhuru Kenyatta inuu hogaamiyo korjoogtadda doorashada guud ee dhawaan ka dhici doonta dalka Nigeria.
Dadka reer Nigeria ayaa u dareeraya goobaha cod bixinta 25-ka bishan Febraayo.
Ergada goobjoogayaasha waxaa ka mid ah wakiillo ka socda hay'adaha doorashada ee dalalka xubnaha ka ah Midowga Afrika, bulshada rayidka ah, khubaro madax-bannaan iyo qaybaha AU.
Ujeeddooyinkeeda waxaa ka mid ah in si sax ah oo dhexdhexaad ah loo qiimeeyo habka doorashada iyo soo jeedinta talooyinka hagaajinta doorashooyinka mustaqbalka ee ku saleysan natiijooyinka.
Waxaa sidoo kale la filayaa in ay "muujiso wadajirka iyo taageerada Midowga Afrika ee ku aaddan xoojinta dimuqraadiyadda, nabadda, xasilloonida iyo horumarka" Nigeria.
GAROWE ONLINE
