Ra'iisul wasaare loo xiray diyaarad loo iibiyey madaxtooyo

Boubeye Maiga ayaa soo noqday ra'iisul wasaare intii u dhaxeysay 2017-2019.

LILONGWE, Malawi - Ra'iisul wasaarihii hore ee Mali, Boubeye Maiga, ayaa loo xiray Khamiistii kaalintii uu ku lahaa so iibinta diyaarad u gaar ah madaxtooyada intii uu xukunka hayay madaxweynihii xilka laga qaaday Ibrahim Boubacar Keita, sida uu sheegay qareenkiisa.

Sababta saxda ah ee loo xiray ma cadda, laakiin waxay la xiriirtay diyaarad ay Mali ku iibsatay 2014 lacag dhan $40 milyan, qareenkiisa, Kassoum Tapo, ayaa taleefanka ku sheegay, isagoo aan bixin faahfaahin intaas ka badan.

"Ma aanan arkin faylka dacwadda oo ilaa markaas ma sii hadli karno," ayuu yiri. Wasaaradda Caddaaladda ayaan ka jawaabin codsi faallo ka bixinta gal-dacwadeedkan kadib codsiyo ay u dirtay saxaafadda.

Dadka dhaleeceeyay xilligaas ayaa ku andacoonayay in maamulka Keita uu dhaqaale xad-dhaaf ah bixiyay mashruucnan ayaga oo heshiiska ku sifeeyay in uu yahay mid musuqmaasuq ah.

Waxay horseeday fadeexad siyaasadeed oo dhaawacday madaxtinimadii Keita iyo kuwa amaahda bixiya. Sanduuqa Lacagta Adduunka iyo Bangiga Adduunka ayaa xayiray maaliyaddii ay siin jireen waddanka ku yaal Galbeedka Afrika.

Ma cadda caddaymaha ay xeer -ilaaliyeyaashu u hayaan Maiga iyo sababta hadda loo xiray. Wuxuu soo noqday ra'iisul wasaare intii u dhaxeysay 2017-2019.

Musharrax ayaa loo arkaa in ay suuragalta gal tahay in uu noqdo ah codbixinta madaxweynenimada oo mas'uuliyiinta ku-meel-gaarka ah ay ballan-qaadayaan inay qabanayaan sannadka soo socda ka dib markii Keita laga tuuray xilka bishii Ogoosto ee la soo dhaafay.

Assimi Goita, oo ah kornaylkii Mali ee hoggaaminayay afgambiga, ayaa hadda ah madaxweyne ku-meel -gaar ah. Si dhab ah looma xaqiijin karo in uu musharax noqon doono doorashadda soo aadan taasoo muhiim u ah samatabixintan dalkan ay colaadda ba'an dhulka la gashay.

GAROWE ONLINE