Ruto oo mar kale ka faaloodey Xasan Sheekh iyo Soomaaliya
-
WARIYAHA NAIROBI GAROWE ONLINE
- Posted On 24-09-2022, 07:32AM
NAIROBI, Kenya - Madaxweynaha cusub ee Kenya William Ruto oo wareysi bixiyay isaga oo ku sugan New York ayaa ka hadlay qorsheyaashiisa ku wajahan Soomaaliya oo uu sheegay in ay dano badan ka leeyihiin.
Waxaa wax laga weeydiiyay goorta uu soo saari doono ciidamada dalkiisa ka jooga gudaha Soomaaliya, isaga oo ku jawaabay “Waxay kaso baxayaan marka ay soo dhamaystaan dantii halkaasi loogu direy”.
Waxaa la xusuusiyay in 15 sano ay dalkaasi joogeen, balse wuxuu ku adkaystay in weli dantii ay halkaasi u tageen aysan dhammaanin.
Wuxuu sheegay in uu rejo badan ka qabo dowladda madaxweyne Xasan Sheekh Maxamuud oo uu la kulmay labo jeer tan iyo intii Ruto lasoo doortay bishii Agoosto.
Ruto ayaa ku amaanay madaxweynaha in uu hayo shaqo wanaagsan, mar aan fogeyna jid loo bixin doono Arrimaha Soomaaliya.
GAROWE ONLINE
