Meydad horleh oo laga soo saarey dhisme ay duqeysay Israa'iil

Dhacdadan oo khasaaro xoog leh dhalisay ayaa waxaa laga soo wariyay waqooyiga Gaza.

LONDON, UK - Ugu yaraan laba mayd ayaa laga soo saaray burburka dhisme la dego oo loo yaqaan Mashruuca Beit Lahiya ee waqooyiga Gaza, ka dib markii ay duqeeyeen ciidamada Israel, sida uu sheegay difaaca madaniga ah ee deegaanka.

Farriin ay soo dhigeen Telegram, maamulka Falastiiniyiinta ayaa sidoo kale sheegay in shaqaalahooda lagu qasbay inay ka soo baxaan howlgalka badbaadinta iyadoo askarta Israel ay rasaas ku fureen.

Isla aaggaas waxaa ka dhacay weerar weyn Axaddii markii duqeyn cirka ah oo Israel ay ku dishay ugu yaraan 87 qof.

Dhacdadan khasaaraha badan ayaa timid iyadoo waqooyiga Gaza - oo ay ku jiraan magaalooyinka Beit Lahiya, Jabalia iyo Beit Hanoon - ay la kulmeen saddex toddobaad oo weeraro ah oo ay geysteen ciidamada Israa'iil iyadoo ujeeddadu ahayd in laga hortago dagaalyahannada Xamaas inay dib isku urursadaan.

GAROWE ONLINE