Tirada Suxufiyiinta lagu dilay Gaza tan iyo 7-dii October oo la shaaciyay

Tirada guud ee dhimashada ayaa waxaa ku jira 56 Falastiiniyiin ah, afar Israa’iili ah iyo saddex ruux ah oo Lubnaaniyiin ah.

DOOXA, Qadar - 63 wariye iyo shaqaale warbaahin ah ayaa lagu dilay Gaza tan iyo 7-dii Oktoobar, sida ay sheegtay CPJ oo ah guddiga ilaalinta suxufiyiinta waxayna tirokoobkan shaaciyeen 4-ta Disembar.

Waxaa ka mid ah dhimashadii Axaddii Hassan Farajallah oo ka tirsan TV-ga Al-Qudus iyo Shima el-Gazzar, oo ahayd weriye u shaqaynaysay shabakadda Al-Majedat oo iyada iyo xubno qoyskeeda lagu dilay duqayn xagga cirka ah oo Israa'iil ka geysatay Rafah ee koonfurta Gaza.

Tirada guud ee dhimashada ayaa waxaa ku jira 56 Falastiiniyiin ah, afar Israa’iili ah iyo saddex ruux ah oo Lubnaaniyiin ah.

"CPJ waxay ku nuuxnuuxsatay in saxafiyiintu ay yihiin dad rayid ah oo qabanaya shaqooyin muhiim ah xilliyada dhibaatada, waana inaan lagu bar-tilmaameedsan dhinacyada dagaalamaya," ayuu yiri Sherif Mansour, isku duwaha barnaamijka Bariga Dhexe iyo Waqooyiga Afrika ee CPJ.

“Suxufiyiinta gobolku waxay muujinayaan naf-hurnimo weyn si ay u dabooshaan colaaddan qalbi-jabka ah. Kuwa Gaza, gaar ahaan, waxay bixiyeen oo ay sii wadaan bixinta, lacag aan horay loo arag oo ay la kulmaan hanjabaado macquul ah."

GAROWE ONLINE