Ra'isal wasaarihii hore Norway oo Muqdishu tagay
-
- Posted On 26-11-2015, 04:14PM
26 November, 2015(GO)-Wafdi uu hogaaminayo Ra'ilsal wasaarihii hore Norway Kjell Magne Bondevik, ayaa maanta tagay magalada Muqdishu xarunta dalka Somalia isagoo kulan la qaatay mas'uuliyiin ka mid yihiin Madaxweyne Xasan Sheekh, gudoomiyaha Barlamanka iyo ku-xigeenkiisa kowaad.
Kulanka mas'uuliyiinta ayaa salka ku hayay sidii looga wada hadli lahaa iskaashiga ka dhexeeya labada dal iyo qaabkii loo xoojin lahaa.
Madaxweynaha Somalia Xasan Sheekh Maxamud, ayaa tilmaamay in dalka Norway uu ka mid yahay waddamada hormuudka u noqday qaabkii Somalia loo hormarin lahaa, wuxuuna xusay inay muuqdaan mashaariicda dalka ka fuliyeen.
Kjell Magne Bondevik, Ra'isal wasaarihii hore Norway oo hadda madax ka ah hay'ad lagu magacaabo Oslo Centre for Peace and Human Rights, ayaa Somalia ku ammaanay hormarka ay ka samaysay dhinacyada amniga, siyaasadda iyo arrimaha bulshada, wuxuuna sheegay Kjell inay hay'addiisu kaalin ka qaadan doonto hormarinta dimuqraadiyadda iyo dhismaha hay'addaha siyaasadda.
GAROWEONLINE
