13 ku dhimatey weerar lagu qaadey xarunta CID magaalada Muqdishu
-
- Posted On 31-07-2016, 02:48PM
MUQDISDHU- Ugu yaraan 13 qof oo Shan kamid ah yihiin shacab ayaa ku dhimatey weerar is-miidaamin ah ee kooxda Al shabaab maanta ku qaadey xarunta CID magaalada Muqdishu.
Wasiirka amniga amniga gudaha dowlada Federaalka oo la hadlay saxaafada gudaha ayaa sheegey in dhimashada shacabka tahay 5 riix halka dhaawacooda yahay 5 qof.
" Todobo kamid ah kooxda weerarka soo qaadey iyo Askari ka tirsan ciidamada sirdoonka ayaa weerarkaan ku dhintey halka dhaawaca ciidamada yahay 5" SidAas waxaa saxaafada u a xaqiijiyey Wasiirka amniga dowlada Federalaka ah.
Weerarkaan oo mas'uuliyadiisa sheegatey ururka al shababal ayaa ku bilowdey gaari ismiidaamin ah oo lagu dhuftey Irish hore ee xarunta CID ee ku taal halka la yiraahdo KM4 magaalada Muqdishu.
Afhayeen u hadla Al shabaab Cabdicasiis Abu-Muscab oo la hadlay Idaacada u hadasha ururkaas ayaa sheegey in weerarkaan ku dileen 12 Askari islamarkaana la beegsanayeen sarkiil ka tirsan hay'daas iyo kuwo ajaanib ah ee ku sugnaa xaruntaan.
Weerarka loo gaystey xaruntaan ayaa noqonaya kii labaad ee muddo asbuuc ah ka dhaca magaalada Muqdishu kuwasoo lala beegsadey xarumaha muhiimka ee ciidamada.
Magaalada Muqdishu ayaa la qorsheynaya in lagu qabto doorashada Madaxweynaha Somaliya taasoo la qorsheynayo in sanadkaan dabayaqadiisa dhacdo.
GAROWEONLINE
