Shuban biyood ka dilaacey degmada Cabuudwaaq
-
- Posted On 15-11-2015, 06:00PM
15 November, 2015(GO)-Degmada Caabudwaaq ee gobolka Galgaduud waxaa ka dillaacay shuban biyood soo ritay 60 ruux, kuwaasi oo la dhigay cusbitalka degmadaasi.
Mas'uuliyiin ka socda maamulka Galmudug iyo dowladda Federaalka Somalia ayaa maanta booqday goob caafimaad oo la dhigay dadka xanuunkan soo riday, kuwaasi oo u badnaa carruur.
Kiiskan ayaa sare u kacay labadii maalmood ee la soo dhaafay, waxaana xaaladooda la sheegay in dhallaanka qaybtii adagtahay iyadoo maamulka degmadaasi wadaan dadaallo lagu soo afjarayo cudurkan.
Ma jirto cid u dhimatay oo mas'uuliyiinta caafimaadka u xaqiijiyeen warbaahinta balse qaybtood bukaanka ayaa xaaladoodu liidataa.
GAROWEONLINE
