Al Shabaab oo xukun dil ah ku fulisay qof Shacab ah, gobolka Baay
-
- Posted On 08-10-2016, 01:03PM
DIINSOOR, Somalia- Ururka Al shabaab ayaa xukun dil ah ku fuliyay qof Shacab ah oo ay ku eedeeyeen inuu duleedka degmada Qansaxdheere, ee gobolka Baay ku dilay Hal ruux Bishii lasoo dhaafay.
Maxkamadda ay leeyihiin Shabaab, ayaa sheegtay in xukunkaasi ku rideen Aadan Barrow oo 40 Jir ah, islamarkaana uu ka dhacay deegaanka Buulo Fulaay oo hoostagta degmada Diinsoor ee gobolka Baay.
Ehelada Ninka ay dileen Al Shabaab ayaa sheegay in Wiilkooda uusan helin wax Cadaalada ah, islamarkaana xukunka lagu dilay ahaa mid hal dhinac ah, oo aan waafaqsanayn Sharciga Islaamka.
Al shabaab ayaa deegaanada ay maamulaan inta badan ka fulisa xukunno isagu jira Dil, Gacan-goyn, iyo Karbaash ay u gaystaan dadka Shacabka ah.
GAROWEONLINE
