Al-shabab oo ka baxay degmada Baraawe
-
- Posted On 03-10-2014, 04:04PM
October 3, 2014 (GO)- Wararka laga helayo gobolka Shabellada Hoose ayaa sheegaya in Al-shabab isaga baxeen degmada Baraawe.
Ka bixista Al-shabab ee Baraawe ayaa timid kadib markii ciidamada Dowlada Federaalka iyo kuwa AMISOM gaareen meel magaaladaas 20km u jirta.
Ciidamada isbahaysanayaa weli Baraawe gudaha uma gelin, waxaase la filayaa in saacadaha soo socda ay magaaladaas si buuxda ula wareegaan.
Shalay ciidamada huwantu waxay la wareegeen degmada Cadale oo gobolka Shabeellada Dhexe ka tirsan masaafo 60km ahna ka durugsan Baraawe.
Baraawe waa magaaladii u dambeysey ee kooxda Al-shabab awoodeeda oo dhan isugu geysey kadib markii laga xoreeyey magaalooyin muhiim ah oo Kismaayo iyo Beledweyne kamid yihiin.
GAROWE ONLINE
