AMISOM oo duqeymo ka gaystay Jubbada Hoose
-
- Posted On 11-10-2014, 02:02PM
October 11, 2014 (GO)- Ciidamada Kenya ee qeybta ka ah hawlgalka AMISOM ayaa saakay duqeyay deegano u dhow gobolka Jubbada dhexe gaar ahaan degmada Jilib.
Diyaradaha qumaatiga u kaca ee dowlada Kenya ayaa bartilmaamed saday saldhigyo iyo gaadiid ay lahaayeen kooxda Al-Shabaab sida dad ku sugan deeganka ay GO u sheegeen.
Lama xaqiijin ilaa iyo hadda qasaaraha ka dhashay duqeymaha inta uu la egyahay hase ahaatee waxaa lag sugayaa saraakisha ciidamada AMISOM qeybta sector 2 ee ka hawlgala Jubbooyinka in ay xaqiijiyaan qasaaraha ka dhashay.
Tan iyo markii uu bilowday hawlgalka Al-Shabaab looga xoreynayo deeganada ay kaga sugan yihiin Jubbooyinka ayaa waxaa socday bartilmaameed xaga cirka ah oo ay qaadayaan diyaaradaha Kenya.
Masuuliyiinta mamulka Jubbaland ayaa sheegay inay ka go'an tahay sidii Jubbooyinka iyo Gado looga xorayn lahaa kooxda Al-Shabab oo wali gobaladaasi ku harsan.
Hawlgalada ka socda Jubbooyinka ayaa galay asbuucyo ayadoo deegano dhowr ah lagala wareegay xoogaga Al-Shabaab.
GAROWE ONLINE
