Axmed Madoobe oo dalbaday in doorashada dib loo dhigo [DHEGEYSO]
-
- Posted On 03-08-2015, 03:44AM
August 3, 2015 (GO)- Madaxweynaha Jubbaland Axmed Maxamed Islaam (Madoobe) ayaa ka codsaday baarlamaanka Jubaland in dib loo dhigo xiliga la qabanayo doorashooyinka madaxtinimada.
Axmed Madoobe ayaa sheegay in qoraal uu ku dalbanayo dib u dhigista waqtiga doorashada u gudbiyey guddoonka baarlamaanka Jubbaland.
Mar uu sharraxayey sababta ku kalliftay inuu go'aankan qaato, wuxuu sheegay in uusan dooneyn muddo kororsi, balse waqtiga baarlammaanku iclaamiyey ay muddo koobani ka harsan tahay suurogalna ahayn in lagu diyaar garoobo.
Shalay ayey ahayd markii Guddoonka Baarlammaanka Jubaland shaaciyey in doorashada madaxtinimadu dhici doonto 15-ka bishan August.
GAROWE ONLINE
