Baabuur Qarax siday oo Muqdishu lagu fashiliyay
-
- Posted On 10-05-2016, 02:22PM
Ciidamada ammaanka magalada Muqdishu, ayaa gacanta ku dhigay baabuur laga soo buuxiyay walxaha qarxa, waxaana lagu qabtay isagoo la dhigay islamarkaana looga tagay isgoyska Sayidka.
Saraakiisha amniga Xamar, ayaa ku waramay inay heleen xogta gaarigaasi oo laga buuxiyay waxyaabo qarxa, waxayna intaasi raaciyeen in loogu tala galay waxyeellaynta shacbiga Somaliyeed jidkaasi istcmaala.
"Gaarigan waxaa la dhigay wadada dhinaceeda, waxaa lagasoo buuxiyay alaadaha qarxa oo qaybtood qatar tahay, waxaana loogu tala galay in lagu waxyeelleeyo shacbiga Somaliyee, balse ILAAHAY mahaddii waan ka guulaysannay caddowga UGUS,"Ayuu yiri sarkaal katirsan ciidamada Boliiska Somalia.
Maaha markii ugu horraysay gaari caynkan lagu qabto magalada Muqdishu, waxaana falalkaasi ku caan ah ururka Shabaab ee dagaalka kula jiro dowladda Federalka iyo xulafadooda.
Balse, waxaa lagu soo beegay kadib markii shalay lix ruux lagu dilay qarax ka dhacay xarunta ciidamada ilaalada waddooyinka Somalia ee loo yaqaan Taraafikada.
GAROWEONLINE
