Barlamanka Federaalka oo la horgeynayo qaabka doorasho ee Somalia
-
- Posted On 28-04-2016, 12:21AM
MUQDISHU, Garoowe, Xildhibaanada Barlamanka Federaalka Somalia ayaa lagu wargaliyey in April 30, 2016 dhamnaatood Isugu yimaadaan kulan looga wada xajoonayo heshiiskii ay dhowaan wada gaareen maamulada Somalia iyo Dowlada dhexe ee Muqdisho.
Guddoomiyaha Barlamanka Somalia ayaa Xildhibanaada kuwooda jooga wadanka gudihiisa iyo dibadda ugu baaqey iney yimaadaan kulan Ra'isal wasaaraha Somalia ku soo bandhigi doono heshiiskii ay dowladaha qaybta ka ah Federaalka iyo Dowlada Somalia ka wada gaareen qaabka doorasho ee Somalia.
Heshiiska maamulada Somalia iyo dowlada Federaalka ayaa waxaa udub u dhexaad u ah heshiiskii Puntland iyo Ra'isal wasaare Cumar Cabdirashiid ku gaareen magaalada Garowe kaasoo qeexayey talaabooyinka la qaadayo marka la soo xulayo Xildhibanaada Barlamanka aqalka sare iyo Hoose.
Aqalka sare iyo Hoose ayaa marka xulushadooda lasoo dhameytiro ayaa liiska magacyada waxaa saxiixaya madaxda maamulada ka tirsan iyo Issmada.
Wararka ka imaanaya Barlamanka Federaalka ayaa sheegaya in qaar ka tirsan mudanayasha diidan yihiin awooda heshiiskaan siinayo madaxda mamaulada qaybta ka ah Federaalka.
GAROWEONLINE
