Barlamanka Soomaaliya oo fasax galay iyo qodobo laga badlay Dastuurka
-
- Posted On 16-06-2016, 01:55PM
MUQDISHU, Soomaaliya- Barlamanka dowladda Federalka Soomaliya, ayaa galay fasax ku saabsan ciida Soonfur ee fooda nagu soo haysa, kadib kulan ay ku yeesheen maalintii shalay magaalada Muqdishu caasumadda Soomaaliya.
Kulankaasi waxaa shir guddoominayay gudoomiye ku-xigeenka koowaad ee Barlamanka Soomaaliya Jaylaani Nuur Ikar, waxaana looga doodayay qodobo la sheegay in laga badalayo Dastuurka Soomaliya, waxayna ahaayeen; qodobka 60-aad farqadiisa 1-aad iyo qodobka 136-aad farqadiisa 2-aad.
Labadaasi qodob ayaa la sheegay inay muhiim u yihiin qaranimada Soomaaliya, iyadoo caddaynaya in dalku yeesho Dastuur iyo Barlaman, waxaana in wax laga badalo u codeeyay 208, waxaa diiday 3 mudane iyadoo ay ka aamuseen 4 mudane.
Kooramka oo ay joogeen 2015 Xildhiabaan ayaa sidoo kale lagu sheegay inay Barlamanku fasax galayo maadama ay dhammeeyeen dhammaan doodista xeerarkii horyaallay.
GAROWEONLINE
