Barlamanka Soomaliya oo kulan uga socdo Muqdishu
-
- Posted On 08-06-2016, 11:05AM
MUQDISHU- Barlamanka Federalka Soomaaliya oo weli ku guda jira kalfadhigoodii 8-aad ayaa maanta ka doodaya qodobo dhawr ah sida uu warbaahinta gudaha u sheegay Hab-dhawraha Xildhibaanada dalka Maxamed Cumar.
Wuxuu sheegay inay maanta guda galin doodaan ka doodista ajandayaal horay u yaallay Barlamanka isagoo xusay inay qorshaynayaan qaabkii loo meelmarin lahaa xeerarkaasi.
Maxamed Cumar, ayaa xusay in ajandahooda maanta ku jiro qaabkii looga doodi lahaa qodobo kamid ah Dastuurka dalka, wuxuuna sheegay inay gabagabadiisa soo saari doonaan qaabka loo ansixiyay iyo waxyaabaha laga badalay.
Fadhigan, ayaa qayb ka ah kulamo maalmahan u socday Xildhibaanada Soomaaliya, kuwaas oo todobaadkan meelmariyay xeerar dhowr ah.
GAROWEONLINE
