Ceelbaraf: AMISOM oo Madaafiic lagu weerar
-
- Posted On 06-11-2016, 05:09PM
CEELBARAF, Somalia- Al shabaab ayaa weerar madaafiic loo adeegsaday ku qaadey saldhigga ciidamada AMISOM ee deegaanka Ceelbaraf, ee gobolka Shabeellaha dhexe.
Dadka deegaanka Ceelbaraf ayaa sheegay in dhowr madaafiic ah ay ku dhaceen gudaha fariisinka ciidamadda Burundi ay ku leeyihiin deegaankaasi.
Ma cadda Khasaaraha madaafiicda ay geeysteen.
Al shabaab ayaa sheegatay in tiro askar ah ku dileen weerarka ka dhanka ah fariisinka ciidanka Burundi ee qeybta ka ah howlgalka Midowga Afrika ee Somalia.
AMISOM kama aysan hadlin weerarka deegaanka Ceelbaraf, oo qiyaastii 30KM dhanka Koonfureed ka xiga degmada Mahadaay, ee gobolka Shabeellaha dhexe.
GAROWEONLINE
