Ciidamada DF oo guul ka sheegtay dagaal ka dhacay Hiiraan
-
- Posted On 05-12-2015, 07:27AM
December 5, 2015 (GO)- Militeriga Dowladda Federaalka Soomaaliya ayaa shaaciyey in 13 ka tirsanaa dagaalyahannada Kooxda Al-shabaab lagu diley dagaal gelinkii dambe ee shalay [Jimce] ka dhacay duleedka magaalada Beledweyn.
Taliyaha Ciidamada Aagga Hiiraan, Maxamed Cumar ayaa u sheegay Wakaaladda Wararka ee Xinhua in ciidamada Dowladda Federaalka oo kaashanaya AMISOM ay khasaaro xooggan gaarsiiyeen Al-shabaab, dibna uga riixeen goobihii lagu dagaalamay.
Dagaalka oo sida taliyuhu sheegay ahaa mid culus waxaa dhanka ciidamada huwanta uga dhaawacmay todoba askari.
"13 ayaan ka dilnay kooxda nabad-diidka ee Al-shabaab...dhankeena waxaa dhaawacmay todoba askari" ayuu yiri.
Gobolka Hiiraan oo kamid ah gobollada ugu wax-soo-saarka badan dalka, waxaa qaybo kamid ah weli gacanta ku haya Al-shabaab.
Ciidamada Dowladda oo kaashanaya kuwa AMISOM ayaa bilihii u dambeeyey wadey hawlgallo mileeshiyaadka Al-shabaab looga sifeynayo Hiiraan.
GAROWE ONLINE
