Dad ku sumoobey deegaanka Dacarre ee gobolka Nugaal

Image

January 3, 2015 (GO)- Ugu yaraan 12 qof ayaa maanta ku sumoobey tuulada Dacarre oo 20km u jirta deegaanka Kalabeyr ee gobolka Nugaal.

Dadkan oo 11 kamid ah lasoo gaarsiiyey isbitaalka guud ee degmada Garowe waxaa la sheegay inay ku sumoobeen cunto ay maqaaxi deegaankaas ku taalla ka cuneen.

Sida qaar kamid ah dadka deegaanka oo Garwe Onlie khadka telefoonka kula hadlay sheegeen, waxay suntu ka timid saliid cuntada lagu kariyey oo ku jirtey caag aan nadiif ahayn.

Qaar kamid ah bukaanada lasoo gaarsiiyey Garowe xaaladooda caafimaad way liidataa sida u Garowe Online u xaqiijiyey Dr. Carabey oo kamid ah dhaqaatiirta xaalada dadkaas la tacaalaya.

Ma ahan markii ugu horeysey ee dhacdo caynkan oo kale ahi ka dhacdo deegaanada Puntland, waxaana arintan oo ku badan miyiga iyo tuulooyinka yaryar loo sababeeyaa dadka reer guuraaga oo adeegsada weelal aan nadiif ahayn, gaar ahaan jirigaammada iyo caagadaha yaryar ee lagu keeno sunta iyo chemicals-ka kale ee halista ah.

GAROWE ONLINE

Related Articles

Wadahadalladii Dowladaha Federaalka iyo Jubaland Oo Fashilmay

Kuma eka Jubaland oo keliya; Xasan Sheekh Maxamed wuxuu sidoo kale khilaaf kala dhaxeeyaa maamulada Puntland iyo Somaliland.

  • Soomaliya

    06-10-2025

  • 10:31AM

Gaari Al-Shabaab saaran oo ku buufsan Astaanta NISA oo laga Celiyay Albaabka Villa Somalia

Weerarkan ayaa muujinaya halista ay kooxaha xagjirka ah weli ku hayaan caasimadda, inkastoo ay socdaan dadaallo ay dowladda Federaalka.

  • Soomaliya

    05-10-2025

  • 06:41AM