Dagaal ka dhacay Shabeellaha hoose
-
- Posted On 22-02-2016, 08:07PM
Mallayshiyaad katirsan ururka Al-Shabaab ayaa jidka u galay cutubyo katirsan ciidamada Ethopia ee qaybta ka ah AMISOM, kuwaasi oo marayay gobolka Shabeellah hoose gaar ahaan inta u dhaxaysa Balli doogle iyo Leego.
Khasaaro kala duwan ayaa ka dhashay iska hor imaadka dhexmaray labada dhinac, waxaana jira dhimasho iyo dhaawac aan lacaddayn.
Balse, qoraal ururka Shabaab soo dhigeen barahooda taageera ee Internetka ayaa lagu muujiyay in weerarkaasi lagu gubay afar gaadiidka dagaalka ah oo ciidamdaasi.
Dhinaca AMISOM ilaa hadda kama hadlin weerarka, laakin dadka deegaanka ayaa cadeeyay in la isweydaarsaday hubka noocyadiisa kala duwan islamarkaana waxay tilmaameen inay jiraan dhimasho iyo dhaawac labada dhanba ah.
Ciidamada la weeraray ayaa kayimi dhinaca Balli doogle.
Weerarkan ayaa yimi xilli ururka Al-Shabaab dagaallo kala duwan ka gaysanayaan gobolka Shabeellaha hoose oo ay kusuganyihiin ciidamo xooggan oo katirsan Somalia iyo Midowga Afrika.
GAROWEONLINE
