Danjire Bari-Bari oo ku geeriyoodey weerarkii Hotel Maka Al Mukarama
-
- Posted On 27-03-2015, 05:40PM
March 27, 2015 (GO)- Yuusuf Ismaaciil Bari-Bari oo ahaa danjirihii Dowladda Soomaaliya u fadhiyey magaalada Geneva ee xarunta dalka Switzerland ayaa kamid ah dadka ku dhintey weerarkii Al-shabaab kusoo qaaddey Hotel Maka Al-mukarama ee magaalada Muqdisho.
Dhaawac culus oo soo gaarey ayuu u geeriyoodey danjiruhu, kadib markii dhowr xabo looga dhuftey saableyda.
Madaxda Dowladda Federaalka iyo Puntland ayaa ka tacsiyeeyey geerida danjiraha.
Yuusuf Bari Bari ayaa muddo dheer soo ahaa safiirka Soomaaliya u fadhiya xafiiska xuquuqul insaanka ee Qaramada Midoobey, xilkaasoo March 1, 2008 uu u magacaabay madaxweynihii hore ee Soomaaliya Cabdullaahi Yuusuf Axmed.
GAROWE ONLINE
