DDSI oo sheegtey in Ciidamo ka joogaan Somalia
-
- Posted On 26-08-2015, 10:33AM
26 August, 2015 (GO)-Madaxweynaha dawlad deegaanka Somalida Itoobiya Cabdi Maxamud Cumar ayaa shaaciyey in ciidamada deegaankiisu ku suganyihiin Somalia iyagoo la dagaalamaya kooxda Al-shabaab.
Cabdi Maxamud Cumar ayaa xusey in ciidamadooda loo yaaqaan LIYUPOLICE ay ka hawlgalaan Gobolada Hiiraan iyo Bakool, waxaana arintan uu ku macneeyay mid ay ku caawinayaan Somalia maadaama sida uu sheegayo ay jiraan xaalad ammaan daro oo kaga imaan karta Al-shabaab.
“Ciidanka LiyuPolice waxay la dagaallamayaan Al-Shabaab,waxayna joogan gobollada Hiiraan iyo Bakool"Ayuu yiri Cumar.
Madaxweynaha ismaamulka Somalida Itoobiya wuxuu hoosta ka xariiqay in ay guulo wanaagsan gaareen ciidamadiisu, ayna dhabar jabiyeen kooxaha ka soo horjeeda amaanka gobalka, isagoona sheegay in ay hada qorsheynayaan sidii ay gacan uga geysan lahaayeen in laga saaro deegaano hor leh oo kamid ah Koonfurta iyo bartamaha Somalia.
Cabdi Maxamud Cumar ayaa hadalkan ka jeediyay shirwaynihii 12,aad ee ururka TPLF ee xarunta deegaanka Tigray ee magaalada Maqale.
Dawladda Faderaalka ayaa qirtay in ay joogaan Somalia ciidamo ka socda dalka Itoobiya oo aan qeyb ka aheyn howlgalka midowga Africa ee AMISOM, balse u jooga sidii ay u caawin lahaayeen ciidama itoobiyaanka ah ee ka hawlgala Somalia.
GAROWEONLINE
