​Degmada Tiyeglow oo gacanta dowladda kusoo noqotay

Image

TIYEGLOW, Somalia- Ciidamada maamulka Koonfur Galbeed oo ay taageerayaan kuwa dowladda Federaalka Somalia ayaa maanta oo Isniin ah dib ula wareegay degmada Tiyeglow ee gobolka Bakool.

Sarkaal katirsan maamulka Koonfur Galbeed Somalia ayaa Warsidaha GO u xaqiijiyay ciidamada huwanta ah Dagaal la'aan ku qabsadeen xaruntaasi kadib markii Al shabaab isaga baxeen.

Ciidamada Dowladda Somalia iyo kuwa Koonfur Galbeed ayaa Shalay qabsaday deegaanka Ceel-Garas oo ku dhaw degmada Tiyeglow, halkaasi oo mudo 20 Maalmood ah maamulaysay Al shabaab.

Dowladda Federaalka ayaa sheegtay inay mallayshiyadan ka saari doonto dhammaan deegaanada ay dib u qabsadeen, sidoo kalena buuxin doonto goobaha ay ka baxayaan ciidamada dowladda Ethiopia.

Al shabaab ayaa dib u qabsatay dhowr deegaan oo ku yaalla gobolada Galgaduud, Bakool, Hiiraan, Shabeellaha Dhexe iyo Baay ee Koonfurta dalka Somalia, markii ay ka baxeen ciidamada AMISOM oo awal maamulayay

GAROWEONLINE

Related Articles

Soomaaliya: Sidee Looga Saari Karaa Al-Shabaab Magaalada Istiraatiijiga ah ee Moqokori?

Si dib loogu qabsado Moqokori, waxaa la rumeysan yahay in loo baahan yahay in Macawiisleyda dib la isu abaabulo.

  • Soomaliya

    09-07-2025

  • 01:56PM

Qarax Is-miidaamin ah oo Ka Dhacay Kuliyadda Jaalle Siyaad ee Muqdisho

Wasaaradda Gaashaandhigga Soomaaliya ayaa xaqiijisay in qarax is-miidaamin ah uu ka dhacay agagaarka Jaalle Siyaad.

  • Soomaliya

    09-07-2025

  • 01:17PM