Dowladda Somalia oo amartay in la xiro Website-yo
-
- Posted On 10-11-2015, 06:26AM
10 November, 2015(GO)-Amar ka soo baxay xafiiska xeer ilaaliyaha guud ee Qaranka Somalia, ayaa lagu sheegay in la xanibayo 35 website, kuwaasi oo laga keenay cabasho faafin iyo dacaayado aan munaasib ahayn
Xafiiska Xeer ilaaliyaha Guud ayaa ku amray wasaaradda Boostada iyo Isgaadhsiinta inay xannibaan Website-yadaas, inta la hubinayo sugnaanshaha cabashooyinka soo gaadhay xafiiska Xeer ilaaliyaha.
Ku-xigeenka xeer ilaaliyaha Somalia Maxamud Cabdi Xaaji Aadan, ayaa sheegay in website-yadan faafiyeen warar aan munaasib ahayn, dacaayado kula kaceen shakhsiyaad magac ku leh bulshada.
Arrintan, ayaa imaanaysa xilli ay soo badanayaan, mareegaha Internetka ee Somalida, balse arrinta ayaan noqonaysa markii ugu horraysay oo si cad xafiiska xeer ilaaliyaha Somalia xirtaankooda u shaaciyo.
GAROWEONLINE
