Ergayga IGAD ee Somalia oo gaarey magaalada Jowhar
-
- Posted On 07-09-2016, 12:28AM
JOWHAR, Somalia -- Maxa'ed Cabdi Afey, Wakiilka IGAD ee Somalia iyo Wafdi uu hogaaminayay ayaa gaarey degmada Jowhar, ee xarunta gobolka Shabeellaha Dhexe.
Mas'uul katirsan Wafdiga Afey ayaa u sheegay GO in ujeedka socdaalka Ergayga IGAD ay tahay, sidii uu u dar-dar gelin lahaa furitaanka wajiga Labaad, ee Shirka Maamul u samaynta Hiiraan iyo Shabeellaha Dhexe.
Maxa'ed Cabdi Afey iyo Madaxda la socoto, ayaa waxaa lagu soo waramayaa iney la kulmi doonaan odayaasha la filayo in shirka ka qeybgalaan, iyo maamulka gobolka Shabeellaha Dhexe.
Shirka Jowhar oo furmay horaanta sanadkan, ayaa waxaa ragaadiyay khilaaf xooggan, oo u dhaxeeya dowlada Federaalka Somalia iyo qaar kamid ah Beelaha gobolka Hiiraan.
Odiyaasha diidan shirka ee ku sugan Beledweyne, ayaa sheegay inay doonayaan wax ka duwan qorshaha dowladda, oo ah in gobolkooda loo sameeyo maamul u gaar ah.
Lama ogo in Maxa'ed Cabdi Afey uu ku guulaysan doono dhismaha maamulka Hiiraan iyo Shabeellaha Dhexe, kahor Doorashada Bisha Oktoobar, 2016.
GAROWEONLINE
