Ganacsade caan ahaa oo Beledweyn lagu diley
-
- Posted On 17-02-2015, 09:29AM
February 17, 2015 (GO)- Gacansade caan ahaa oo lagu magacaabi jirey Xaaji Cumar Maxamed Nuur (Quuraw) ayaa maanta lagu diley degmada Beledweyn ee xarunta gobolka Hiiraan.
Labo nin oo bistoolado ku hubaysnaa ayaa lagu so waramayaa inay ganacsadaha dilleen waxyar kadib markii uu ka baxay gurigiisa.
Weerarka waxaa sidoo kale ku geeriyoodey nin dhallinyaro ah oo Xaaji Quuraw ilaalo u ahaa.
Goobta dilku ka dhacay daqiiqado kadib waxaa soo gaarey ciidamada dowladda iyagoo sameeyey baaritaan muddo kooban socdey islamarkaana dhowr qof xirey.
Xaaji Cumar Maxamed Nuur (Quuraw) ayaa kamid ahaa ganacsatada sida weyn looga tixgeliyo Beledweyn, wuxuu sidoo kale kamid ahaa waxgaradka gobolka ee nabadda iyo xasiloonida aadka uga shaqeeya.
GAROWE ONLINE
