Guddoomiyihii xuquuqul insaanka Somaliland oo Hargeysa lagu xirey
-
- Posted On 18-04-2015, 01:25PM
April 18, 2015 (GO)- Booliska magaalada Hargeysa ayaa maanta xabsiga u taxaabay Guddoomiyihii Hay'adda Xuquuqul Insaanka Somaliland, Guuleed Axmed Jaamac.
Amarka lagu xirey Guuleed Jaamac waxaa lagu soo warramayaa inuu bixiyey guddoomiyaha maxkamadda gobolka Hargeysa.
Mas'uulkan oo la hadlay VOA-da isagoo ku xiran xarunta laanta dambi baarista ee CID ayaa sheegay in sababta loo xirey tahay waraysi uu siiyey idaacadda BBC, kuna saabsanaa xukun qisaas ah oo todobaadkii hore Somaliland ku filisey lix qof.
"iminka waxan u xiranahay maxkamadda gobolka...waxaa la ii xirey dadkii la diley ayaan ka hadley...wax xun ma oran laakiin waxan sheegay inay haboon tahay in laga fiirsado" ayuu yiri.
Xarigga Guddoomiyaha Hay'adda Xuquuqul Insaanka Somaliland ayaa kusoo aadaya maalmo ka kadib markii Somaliland xukun qisaas ah ku fulisey lix qof oo horay dil loogu xukumey.
Tallaabdaas waxaa si kulul u cambaareeyey Midowga Yurub oo ku tilmaamey arrin lagu deg degey xad gudubna ku ah xuquuqda aadanaha.
GAROWE ONLINE
