Gudoomiyaha Boon-dheere gobolka Banaadir oo la weeraray
-
- Posted On 18-04-2016, 08:35PM
MUQDISHU- Dablay hubasan oo watay gaari nooca raaxada ah ayaa weerar ku qaaday gaari uu la socday gudoomiyaha degamda Boon-dheere gobolka Banaadir, waxaana falkaasi ku dhintay labo qof oo kala ahaa; ilaalada gudoomiyaha iyo wadihii gaarigaasi.
Weerarkan, waxaa sidoo kale ku dhintay mid kamid ah mallayshiyadii dagaalka soo qaatay iyagoo sidoo kale ka cararay buubuurkii ay wateen.
Baaburka mallayshiyadaasi, ayaa qarxay kadib howlgalka, waxaana ku dhintay haweenay ka agdhaweyd.
Afhayeenka gobolka Banaadir Cabdifatax Cumar Xalane, ayaa arrintaasi ka hadlay, wuxuuna sheegay inay inay ka hortageen weerar qorshaysan oo kooxda Shabaab doonaysay inay ku waxyeellayso shacab Somaliyeed, isagoo xusay inay dileen mid kamid ah kooxaha weerarka qaaday.
Xalane, wuxuu shacabka ugu baaqay inay la shaqeeyaan ciidamada nabad galayad oo ku ammaanay howlgalka caasumadda Somalia ka wadaan.
Weerarkan oo galinkii dambe maanta dhacay, wuxuu kusoo beegmay xill gacanta lagu soo dhigay baabuur waday walxaha qarxa.
Ammaanka caasumadda Somalia ayaa faraha kasii baxay, waxaana kusoo badanaya weerarada qorshaysan iyo qaraxyada lala beegsanayo xarumaha muhiimka ah ee dowladda.
GAROWEONLINE
