Heshiis shidaal oo dhexmarey maamulada iyo dowada Somalia
-
- Posted On 23-10-2015, 03:55AM
23 October,2015 (GO)- Kulankii magaalada Muqdisho uga socdey madaxda Maamul Goboleedyada iyo dowladda dhexe ee Soomaaliya ayaa lagu kala saxiixdey is-faham horudhac oo ah habka wadaaga qeyraadka dalka.
Waxaa heshiiska wada gaaray wasiirka batroolka xukuumadda Federaalka Soomaaliya mudane Maxamed Mukhaar Ibraahim iyo madaxda Batroolka iyo Tamarta ee Maamullada Puntland, Jubbaland, Koofur-galbeed iyo Galmudug.
Go’aanada kasoo baxay kullanka ayaa waxaa ka mid ah in la sameeyo aragti siyaasadeed oo mideysan kuna aadan arrimaha macdanta iyo shidaalka Soomaaliya.
Waxaa kulankaasi lagu gaarey in la dhiso guddi gaar ah oo soo gardaadiya isku afgaradka habka qeyraadka dalka loo qeybsanayo.
Guddigan ayaa haysta muddo bil ah oo ay dhinacyadu is afgarad ka gaarayaan arrinka.
Talaabadaan ayaa imaaneysa maamlmo kadid markii uu soo baxdey warbixin QM oo ka hadleysa in la joojiyo heshiisyada shidaalka dowlada Federaalka iyo maamulada la galayaan shirkadaha shisheeye madaama uusan jirin xeerarkii hagi lahaa qaabka qaybsiga khayraadka dabiiciga.
Halkan ka dhageyso wareysiga wasiirka tamarta dowlada Federaalka oo ka hadlaya heshiiskaan.
VOA+GO
