JIG-JIGA: 15 ruux oo ku dhimatay fatahaad
-
- Posted On 05-04-2016, 04:49PM
Ugu yaraan 15 qof ayaa dhintay, 100 qof oo kalena waxaa la dhigay cusbitaallada magalada Jig-jiga xarunta ismaamulka Somalida Ethiopia, kadib daadad xooggan oo soo galay magalada.
Warar kale oo aan helnay ayaa dhimashada ka dhigaya 23 ruux iyagoo dhaawacana intaasi ka badan la sheegay.
Dadka isbitaalada la dhigay ee gaaraya illaa 100 qof, ayaa isugu jira ciidankii Samatabixinta iyo dadkii deganaa hareeraha webiga.
Wasiirka ka hortagga masiibooyinka iyo u diyaargarawga ee dawladda deegaanka Soomaalida Itoobiya, Maxamed Daahir Ismaaciil ayaa VOA-da u sheegay in sidoo kale ay jiraan sideed qof oo weli la la’ yahay nolol iyo geeri.
Daadanka ayaa yimi meelo badan oo DDSI kamid ah ka da'een roobab.
GAROWEONLINE
