Kismaayo: Dastuurka Jubaland oo maanta la ansixiyey
-
- Posted On 01-08-2015, 07:16PM
August 1, 2015 (GO)- Munaasabad ballaaran oo ka dhacday xarunta Caymiska ee magaalada Kismaayo ayaa lagu ansixiyey dastuurka cusub ee maamulka Jubaland.
Xafladda waxaa kasoo qayb galay ergooyin ka kooban 300 oo ka socdey gobollada Jubbada Hoose, Jubbada Dhexe iyo Gedo.
Waxaa sidoo kale goobta ku sugnaa madaxda ugu sarreysa Jubaland iyo wufuud ka socotey Midowga Afrika, IGAD iyo Qaramada Midoobey.
Ansixinta Dastuurkan ayaa kusoo aadeysa xilli labo todobaad kadib ay dhici doonto doorashada Madaxweynaha iyo madaxweyne ku-xigeennada Jubaland.
GAROWE ONLINE
