Ku-xigeenka Ra'isul wasaaraha Somalia" Wadahadalka Somaliland dib ayuu u bilaamayaa"
-
- Posted On 07-10-2015, 08:31AM
07 Octobar, 2015(GO)-Ra'isul wasaare ku-xigeenka Somalia Maxamed Cumar Carte Qaalib oo la hadlay warbaahinta ku hadasha Afka Dowladda Somalia ayaa sheegay inuu dib u bilaamayo wadahadal u dhaxeeya iyaga iyo maamulka Somaliland.
Carte ayaa tilmaamay wada-xaajoodku inuu salka ku hayo sidii maamulka Somaliland uga baaqsan lahaayeen gooni goosadka lana midoobo.
"Run ahaantii wada hadalada dib ayay u bilaabmi doonaan, markii 60-kii la isku darsamay, waxa ay ahayd mid ku bilowday qaab wanaagsan, marka runtii waxa ay u baahantahay in wada hadalka uu noqdo mid markale la isu keeno Somali weyn, oo aysan noqon mid lagu kala tega” ayuu yiri Ra’iisul wasaare ku-xigeen.
Dhawr jeer oo hore waxaa guul darraystay kulamo dhexmaray Dowladda Federaalka Somalia iyo maamulka Somaliland, waxaana fadhigii u dambeeyay hareeyay khilaaf ku aadan cidda ka qayb galaysa wadahadalka labada dhinac.
GAROWEONLINE
