Madaxii Jabhadaynta Shabaab oo lagu dilay Shabaalaha hoose
-
- Posted On 22-12-2015, 11:18AM
22 December, 2015(GO)-Wararka aan ka helayno gobolka Shabeelaha hoose ayaa sheegay in la dilay ninkii ururka Al-Shabaab u qaabilsanaa Jabhadaynta iyo saraakiil kale, kadib weerar duqayn ah oo ay fulisay diyaarad aan duuliye lahayn (Drone).
Sarkaalka la dilay ayaa magaciisa lagu sheegay Abu Cuteyba, waxaana lagu dilay halka loo yaqaano Shanta Ameerika oo hoostaga degmada Kuntuwaarey gobolka Shabeelaha hoose.
Dagaalyahanno ka tirsan Al-shabab ayaa isku gadaamay goobtii duqaynta laga fuliyay, mana jirto xog intaasi dhaafsan oo laga helayo deegaankaasi, waxaana kooxdu xannibtay dhaqdhaqaayadii dadweynaha.
Lama garanayo cidda lahayd diyaarada falkaasi fulisay. Ilaa hadda kama hadlin kooxda Al-Shabaab.
Warar kale oo aan ka helayno deegaanka Shabta Ameerika ee weerarku ka dhacaya tibaaxaya in waxyeello ka soo gaartay dadka ku dhaqan nawaaxiga ay duqayntu ka dhacday
Saraakiisha Amniga Federalka Somalia ayaa tilmamay inay baarayaan khasaaraha soo garay shacbiga.
GAROWEONLINE
