Madaxweyne xigeenka Jubaland oo soo laabtay
-
- Posted On 13-09-2014, 01:28PM
Sabti, Sept 13, 2014 (Garowe Online)- Wafdi uu hogaaminayo madaxweyne ku xigeenka maamulka Jubbaland Cabdullaahi Sheekh Ismaaciil "Fartaag'' ayaa maanta Sabti dib ugu laabtay magalada Kismaayo.
Wasiirro ka tirsan maamulka Jubbaland iyo dadweyne boqollaal gaaraya ayaa wafdiga oo muddo bil ah dalka dibadiisa ku maqnaa kusoo dhoweeyay garoonka diyaaraaha Kismaayo.
Xarunta madaxtooyada Kismaayo ayaa loo gelbiyay wafdiga ayagoo lagu wado in ay war saxafadeed qabtaan kana waramaan socdaalkoodii qaatay mudada dheer.
Dalalka Kenya iyo Turkiga ayuu gaaray Fartaag isagoo Turkiga kula soo kulmay hay'addo ka shaqeeya horumarka iyo taageridda dadka Soomalida, ballan qaadyo badan ayaana loosoo sameeyey.
Magaalada Kismaayo ayaa laga dareemayaa qaban qaabada shirka dib u heshiisiinta oo lagu wado 16-ka bishaan inuu qabsoomo.
GAROWE ONLINE
