Madaxweynaha Jabuuti iyo wafdi uu hoggaaminayo oo Muqdisho yimid
-
- Posted On 21-02-2015, 10:08AM
February 21, 2015 (GO)- Madaxweynaha Jabuuti Ismaaciil Cumar Geelle iyo wafdi uu hoggaaminayo ayaa goor dhow kasoo degey garoonka diyaaradaha ee magaalada Muqdisho.
Mas'uuliyiinta ugu sareysa Dowladda Federaalka, xildhibaanno, wasiirro iyo qaar kamid ah madaxda dhaqanka ayaa wafdiga Jabuuti si dirran usoo dhoweeyey.
Intaas kaddib waxaa wafdiga loo soo gudbiyey dhanka hoteelka City Palace halkaasoo ay kaga qayb galeen munaasabad lagu xusayey maalinta afka hooyo oo ku beegan 21-da bisha February.
Muddada Ismaaciil Cumar Geelle Muqdisho ku sugan yahay, wuxuu la kulmi doonaa madaxda ugu sareysa dowlada Soomaaliya isagoo sidoo kale dhagax dhigi doona akaademiyad lagu darsi doono afka Soomaaliga taasoo xarunteeda dhexe Muqdisho laga hirgelinayo.
Waa markii labaad ee Ismaaciil Cumar Geelle booqasho ku yimaado magaalada Muqdisho laga soo bilaao markii uu dalku kumeel garnimada ka baxay.
Faah faahin ku saabsan munaasabadda lagu xusayo maalinta afka hooyo dib ayaan idiinka soo gudbin doonnaa...
GAROWE ONLINE
