Madaxweynaha Jubbaland oo Kismayo lagu caleemo saarey [Sawirro]
-
- Posted On 12-09-2015, 05:11PM
12 September, 2015(GO)-Waxa maanta lagu caleemo-saaray magaalada Kismayo madaxweynaha maamulka Jubbaland Axmed Maxamed Islaam.
Munasabadda waxaa ka qayb galay ma'uuliyiin kala duwan oo ka socatay DFS, maamullada Puntland, Koonfur Galbeed Somalia, Galmudug, xubno ka socday QM, IGAD, Itoobiya, Kenya iyo Turkiga.
Xafladda ayaa goor dambe oo galabta ah dhammaatey, waxaana khudbado kala duwan soo jeediyay xubnaha ka qayb galay iyo madaxweyne Axmed Madoobe.
Dhawaan ayaa doorasho ka dhacaday Kismayo waxaa lagu doortay madaxweynaha maamulka Jubbaland Axmed Madoobe oo aan weli soo dhisin golihiisa xukumadda.
Garoweonline ayaa idiin soo gudbin doonta xogaha ugu muhiimsanaa caleema-saarkii Kismayo.
GAROWEONLINE
