Madaxweynaha Somalia oo Hortagaya Barlamanka Federaalka
-
- Posted On 07-02-2016, 11:42AM
Madaxweynaha Dowladda Somalia Xassan Sheikh Maxamud ayaa Axada maanta ah hortagaya Baarlamaanka Federaalka Somalia, sida uu xaqiijiyay guddoomiyaha aqalka shacabka. Madaxweynaha ayaa codsadey inuu baarlamaanka hortago.
Wararka la helayo ayaa sheegaya in madaxweynaha Somalia ka codsanayo xildhibanaada Barlamanka Somalia iney ansaxiyaan guddiga Dastuurka kaasoo codsigiisu horyaaley aqalka in muddo ah.
Guddoomiyaha Baarlamaanka Somalia, Maxamed Sheikh Cismaan Jawaari ayaa ku wargaliyay baarlamaanka inay u diyaar-garooban hadalka uu jeedinayo madaxweynaha.
“Waxaa xafiiskeyga soo gaartay,codsi ka yimid madaxweynaha,wuxuuna dalbaday baarlamaanka inuu horyimaado si uu khudbad ugu jeediyo,waa inad isku diyaarisan,”ayuu yiri guddoomiye Jawaari oo ka hadlayay fadhigii ay shalay baarlamaanka yeesheen.
Khubada madaxweynaha waxaa ay ku soo aadaya xilli uu dalku isku diyaarinayo doorasho mar kale ay go’aan ka gaari doonan xildhibaannada ka imaanaya qabaa’ilada.
Madaxweyne Xassan waxuu mar kale doonaya inuu xilkan ku soo laabto, waxaana loo arka hadalka maanta uu jeedinayo inuu waxbadan ku sheegayo, kaaso la fili karo inuu u badaniyo wax qabadkiisa iyo waxii doonayo inuu sii waddo.
GAROWEONLINE
