Madaxweyne Xasan Sheekh oo la kulmey xubno ka tirsan naafada
-
- Posted On 23-03-2015, 12:28PM
March 23, 2014 (GO)- Madaxweynaha Dowladda Federaalka Xasan Sheekh Maxamuud ayaa maanta maanta xafiiskiisa ku qaabiley xubno ka tirsan dadka naafada ah.
Kulanka oo qaatey muddo saacad ka badan, waxaa intiisa badan lagu gorfeeyey xaaladda naafada Soomaaliya iyo sidii wax loogu qaban lahaa.
Madaxweynaha ayaa sheegay in la sameyn doono xafiis isku xira Madaxtooyada iyo Gudiga Naafada si xiriir joogto ah madaxtooyadu ula yeelato naafada ugana war qabto xaaladooda.
Xasan Sheekh ayaa dhanka kale balan qaaday in la qaban doono shir weyne ay kasoo qayb geli doonaan xubno metelaya naafadaha Soomaaliya, kaasoo looga arinsan doono horumarinta naafadda iyo sidii daryeel joogto ah loogu fidin lahaa.
Cali Cabdulaahi Salaad oo ah Guddoomiyaha Guddiga Naafada ayaa ka mahadceliyay soo dhoweynta Madaxweynaha Soomaaliya u sameeyey isagoo sidoo kale sheegay in dhibaato aad u daran ay haysato naafada.
GAROWE ONLINE
