Maraakiibta dagaalka Kenya oo duqeeyay deeganka Kudhaa
-
- Posted On 20-10-2014, 05:05AM
Isniin 20 Oct,214 [GO]- Ciidamada dowlada Kenya oo qeyb ka ah hawlgalka nabad ilaalinta AMISOM ayaa duqeeyay deeganka Kudhaa oo ka tirsan gobolka Jubada Hoose halkaasoo gacanta ku hayaan dagaal yahanada Al-Shabaab.
Maraakibta dagalka dowlada Kenya ayaa xalay ilaa shalay galab duqeymo ka geysanayay deegankaas oo leh dekedda macmal ah.
Dadka deeganka ayaa ku waramay qaarkood in duqeymaha Maraakiibta geysteen khasaaro.
Kudhaa waa deegaan leh deked macmal ah oo ay ka dhoofto dhuxusha waana sababta keentay in marar badan Al-Shabaab ku dagalanto difaacdana maadama ay dhaqaale ka helaan kooxdaani.
Ciidamada Cirka kuwa Badda dowlada Kenya ayaa badanaa beegsada deeganada ay Al-Shabaab kaga sugan yihiin Jubbooyinka.
Ururka Al-Shabaab ayaa dhumiyey dhamaan magaalooyinka ku yaala xeebaha Koonfurta Somalia kadib markii dhowaan laga qabsadey magaalada Baraawe.
GAROWEONLINE
