Marka: AMISOM oo lagu eedeeyey inay dishey dad rayid ah

Wararka ka imanaya magaalada Marka ayaa sheegaya in howlgal ay ciidamada AMISOM ay ka fuliyeen magaaladaasi ay ku dhinteen dad rayid ah.
 
Maxamed Macalin Iideey oo ka mid ah dadka Marka degan ayaa VOA u sheegay in  AMISOM ay si bareer ah u dishay aabihii iyo 4 wiil oo la dhashay iyo waliba adeerkii.
 
Talaabadan ayaa waxay ka danbeysay markii ciidamada AMISOM qarax lala eegtay.
 
AMISOM waxay barteeda twitter-ka ku sheegtay inay arrintan baarayso.
 
Bishii hore ciidamada AMISOM ayaa lagu eedeeyay inay dad rayid ah ku dileen Marka, inkasta oo taliska sare ee AMISOM arrintaas beeniyey.

Xigasho: VOA