Maroodi kusoo laabtay Somalia
-
- Posted On 10-03-2016, 01:01PM
NAIROBI- Marood dhedig oo lagu magacaabo Morgan, ayaa lasoo shaaciyay inuu dalka Somalia ku laabtay muddo 20 sano ah, kadib waxaana la xaqiijiyay inuu gaaray xuduuda u dhaxaysa dalka Kenya iyo Somalia gaar ahaan gobollada Jubbooyinka.
Morgan, ayaa hayaanka bilaabay bishii Janaayo ee sannadkan, isagoo saddex todobaad kadib gaaray ciida Somalia, waxaana warbixin ay daabacday warbaahinta AFP lagu sheegay in arrintan laga soo xigtay hay'ad Kenya u qaabilsan arrimaha xayawaanaadka.
Maroodigaan ayaa dalka Somalia ka qaxay 1991-kii, waxaana uu dib u soo laabtay isagoo 30 sano jir ah oo xusuusanaya wadadii uu maray xilli uu yaraa, isagoo kasoo tallaabay deegaan xeebeedka kenya ee Lamu.
Arrintan, ayaa timi xilli uu weli dalka Somalia ku jiro dhibaatooyin ay sababeen colaado, waxaana dhicitaankii dowladdii Maxamed Siyaad Barre horseeday in dalka Kenya u haajiraan ugaar iyo xayaawaanka noocyadiisa kala duwan.
Kenya ayaa dhaqaalo xooggan kasoo gaalaan nafaacsiga duur-joogta gaar ahaan kuwa loo soo dalxiis tago.
GAROWEONLINE
