Mas'uuliyiin ka tirsan maamulka Koonfur Galbeed oo la weeraray
-
- Posted On 14-09-2015, 04:59AM
14 September, 2015(GO)- Mas'uuliyiin ka tirsan gobolka Baay ayaa lagu weeraray qaraxyo isku xigey oo ka dhacay deegaanka Goof guduud oo 7 km u jirta magalada Baydhabo ee xarunta gobolka Baay.
Rashiid Cabdullaahi Maxamed guddoomiyaha gobolka Bay oo la hadlay BBC ayaa sheegay inaysan jirin wax khasaaro ah oo ka soo gaaray weerarka oo ahaa mid loo adeegsaday miinooyin.
Dhinaca kale, warar ayaa sheegaya inuu jiro khasaare aan la caddayn inta uu le'egyahay.
Guddoomiyaha gobolka Bay ayaa xusay inaysan aqoon cidda ka dambaysay arrintan, balse la wado baaritaanno ku aaddan cidda fulisay.
Mas'uuliyiintan ayaa deegaankaasi u tagay sidii maamul loogu sameyn lahaa dadka deegaanka, hase ahaatee intay jidka ku sii jireen ayaa lagu weerar qarax dhulka lagu aasey, wax yar ka dib markii ay tageen Goof gaduud waxaa dhacay labo qarax xilli ay la hadlayeen boqolaal dad isugu soo baxay goob loogu khudbaynayay.
Ma aha markii ugu horreysay ee la weeraro mas'uuliyiin ka tirsan maamulka Koonfur Galbeed ee Somalia.
GAROWEONLINE
