Masar oo masaafurisay Somali tahriibayaal ah
-
- Posted On 04-01-2016, 10:41AM
04 January, 2016(GO)-Dowladda Masar ayaa dalkeeda kasoo masaafurisay 60 qof oo la sheegay inay yihiin Somali qaab sharci darro ah dalkaas ku soo galay islamarkaana doonayay inay u tahriibaan waddamada Yurub.
Waxa sidoo kale xukuumadda Qahira xabsiga dhigtay saddex qof Somali ah kuwaas oo lagu eedeeyay inaysan haysan sharci ay ku sii daganaadaan dalkaas.
Arrintan ayaa timi kadib markii Masar shaacisay inay adkaynayso goobaha laga tahriibo maadaama marin u noqotay ajaanib iyo muwaadiniin badan oo doonaya inay galaan waddamada reer Galbeedka.
Horey ayaa sidaan oo kale xabsiga loo dhigay ajaanib badan kuwaas oo laga soo qaybtay goob laga raaco doonyo si sharci darro ah dadka u tahriibiya.
GAROWEONLINE
