Mas'uul lagu dilay magaalada Muqdishu
-
- Posted On 15-06-2016, 03:11PM
Kooxo watay mooto saddex lugooley ah, ayaa saaka barqankii magaalada Muqdishu caasumadda Soomaaliya ku dilay Guddoomiye ku-xigeenkii hore degmada Dharkaynley Cabdullaahi Ibrahim Isbiimo.
Mas'uulkaasi oo hadda ahaa xubin katirsan guddiga isku xirka xaafadaha Muqdishu, ayaa dhex socday waqtigii la dilay degmada Dharkaynley, waxaana lala dilay darawalkiisii.
Mas'uuliyadda falkaasi, waxaa sheegatay kooxda dilalka ka gaysatay Muqdish ee Al Shabaab.
Ciidamada amniga ayaa goobta gaaray, iyagoo bilaabay baaritaano ay ku raadinayaan kooxdii toogashada gaysatay.
Tan iyo intii ay dhalatay bisha Barakaysan ee Ramadaan, waxaa magaaladaasi lagu dilay dhawr qof oo dhammaantood katirsanaa degmooyinka gobolka Banaadir, waxayna u badnaayeen agaasimayaal waaxeedyo.
GAROWEONLINE
