​Mas'uuliyiin diray hambalyada 26 Jun

Guddoomiye ku-xigeenka 1-aad ee Barlamanka Soomaaliya Jaylaani Nuur Ikar ayaa maanta ka hadlay muhiimadda ay shacabka dalka u leedahay xus loo sameeyo maalinta ku beegan 26 Jun, xilli waraysi gaar ah siiyay Radio Garowe.

Jaylaani oo waraysi gaar siiyay Radio Garowe, ayaa sheegay inay xus ballaaran u samayn doonaan maalintan oo ku beegan waqtigii ay gumaystaha ka xoroobeen gobolladii Waqooyi 1960-kii.

Dhinaca kale Maxamed Farax Ciise Gaashaan oo aan la xiriirnay isago ku sugan magaalada Baydhabo, ayaa tilmaamay in maalintan qiimo weyn ugu fadhido shacabka Soomaaliyeed, wuxuuna ku baaqay in loo istaago sidii  loo weynayn lahaa maalmaha xorriyadda.

Gaashaan, ayaa sidoo kale wax laga xumaado ku tilmaamay inaan maalmaha loo muujin xuskii ay mutaysteen isagoo sabab uga dhigay colaadaha iyo arrimaha qabaliga ah ee dalka Halaajiyay. HALKAN KA DHAGAYSO

Xusan ayaa kusoo beegmayo xilli laguda galay maalmaha lagu magacaabo Xorriyada kuwaasi oo ka bilowday 26 Jun ilaa 01 Luuliyo, waxaana wixii ka dambeeyay burburkii dowladdii  dhexe ee Soomaliya u muuqdeen kuwo xuskoodu gaabis ku yimi.

GAROWEONLINE