Mooshin laga keenay Gudoomiyaha Baarlamaanka Galmudug
-
- Posted On 24-10-2016, 03:30PM
CADAADO, Somalia- Xildhibaanada Baarlamaanka maamulka Galmudug, ayaa Mooshin Kalsooni kala-laabasho ah ka keenay Gudoomiyahooda Cali Gacal Casir.
Wararka Warsidaha GO ka helayo magaalada Cadaado, ayaa sheegaya in 34 Xildhibaan ay soo gudbiyeen Mooshinka, kuwaasi oo doonaya inuu Xilka iska-casilo Gudoomiye Cali Gacal Casir.
Xildhibaanada ayaa ku eedeeyay Gudoomiyaha Xil-gudasho la'aan.
Dhanka kale, Gudoomiyaha Baarlamaanka Galmudug Cali Gacal Casir, oo Shir Jaraa'id ku qabtay Cadaado, ayaa sheegay in Xildhibaanada ay ku jiraan Fasax ilaa 01/01/2017, sidaasi darteedna aysan ka keeni karin wax Mooshin ah.
Cali Gacal Casir ayaa loo doortay guddoomiyaha Baarlamaanka Galmudug Bishii June, 2015.
GAROWEONLINE
