Muqdisho: Wasiirka Cadaaladda Somalia oo hortegaya baarlammaanka
-
- Posted On 28-06-2015, 07:57AM
June 28, 2015 (GO)- Wasiirka Wasaaradda Cadaaladda iyo Garsoorka ee Dowladda Federaalka Soomaaliya, Cabdullaahi Axmed Jaamac (Ilko-jiir) ayaa maanta hortegaya golaha baarlammaanka.
Xildhibaannada ayaa Wasiirka ka xog wareysan doona arrimo badan, waxaana qodobada ay sida gaarka ah wax uga weydiin doonaan kamid ah xaaladda garsoorka dalka iyo weliba horumarrada ay Wasaaraddu muddooyinkii u dambeeyey sameysey.
Dhanka kale, Wasiir Ilko-Jiir waxaa wax laga weydiin doonaa howsha guddiga adeegga garsoorka, guddigaas oo dhowaan baarlammaanku ansixiyey.
Faah faahin dheeri ah oo ku saabsan kulanka maanta su'aalaha lagu weydiinayo Wasiirka Wasaaradda Cadaaladda iyo Garsoorka ee Dowladda Federaalka Soomaaliya, dib ayaan idiinka soo gudbin doonnaa.
GAROWE ONLINE
