MUQDISHU: Sagaal ku dhimatey weerar lagu qaadey makhaayad ku taal Liido
-
- Posted On 26-08-2016, 11:02AM
MUQDISHU: Weerar xalay kooxda al shabaab ku qaadey makhaayad ku taal xeebta Liido ayaa Dowlada Federaalka waxaa ay sheegtey in 9 qof ku dhinteen.
Dadka dhintey ayaa isugu jira shacab ku sugnaa Banaadir Beeach, askar iyo xubno ka tirsan kooxda al shabaab ee soo weerartey makhaayadaas.
Sida ay ciidamada booliska sheegayaan, waxay qabteen qof ka mid ah kooxdii weerarka qaadday oo dhaawacmay, kaasoo hadda su'aalo la weydiinayo.
Kooxdaan ayaa markii at makhaayada soo weerareen ayaa dadkii ku sugnaa intooda badan ka boodeen daaqadaha iyo darbiyada.
Dhinaca kale lama sheegin tirada dhaawaca balse waxaa jira tiro dadka wax ku noqdey weerarkaas in la geeyo isbitaalada magalaada Muqdishu.
Weerarkaan ayaa imaanaya maalmo kadib markii kooxdaan weerar ku qaadey suuq ku yaal magalaada Galkacayo halkasoo ku dhinteen dad gaaraya 20 qof iyo dhaawac 50 ah.
Kooxda Al shabaab ayaa weerarada ay ku hayso shacabka iyo ciidmada amniga kor dhisay xilli la sugayo in Somalia ka dhacdo doorasho.
GAROWEONLINE
