Qaramada Midoobay oo cambaaraysay Burcad afduub gaysatay
-
- Posted On 26-11-2015, 03:42PM
26 November, 2015(GO)-Ergayga gaarka ah ee Qaramada Midoobay u qaabilsan Somalia Nicholas Kay, ayaa ka hadlay weerar dhawaan koox Burcad Somali ah ku qaadeen Doon Kalluumaysi oo laga leeyahay dalka Pakistan balse uu ka babanayay calanka Iran.
Kay, ayaa tilmaamay inay cambaaraynayaa falkaasi, xilli uu sheegay in dalka Somalia ku jiro soo kabasho iyo hormar uu ka samaynayo dhinacyada amniga iyo dhaqaalaha.
“Xilli Soomaaliya ay horumar ka sameyneyso siyaasadda iyo ammaanka, laguna guda jiro dadaallada horumarinta dhaqaalaha, waxaan walaac ka muujinayaa dib u soo cusboonaanshaha falalka burcad badeedda,waxaan cambaareynayaa burcadnimada hubaysan ama burcadda badda,”Ayuu yiri Danjire Kay.
Dhawaan ayay ahayd markii Doon Kalluumaysi sharci darro lagu afduubtay xeebaha degmada Eyl, walow maamulka degmadaasi oo beeniyay, waxaana lala aaday dhinaca Galmudug gaar ahaa halka lagu magacaabo Ceel Huur oo ka tirsan gobolk Mudug.
Dhawr jeer oo hore Kalluumaysato ku dhaqan Puntland ayaa ka digtay soo laabashada falalka Burcadnimada, ka dib jariif xooggan oo lagu hayo xeebaha Somalida.
GAROWEONLINE
